|
缩水嘅五一假期，眨下眼就过去，返到公司，又系一大堆嘅工作。。。所以到星期五，先得闲写写五一嘅美食回忆~
Waiting新店开张无几耐，新菜式新饮品当然系继续试啦~ 短短3日假期，就去佐两次，融合两日食嘅野，整理佐一堆片~
先来餐汤同沙律~
波蛋沙律系每次嘅必点项目，因为我地仲未食厌，呵呵~~
第一日饮嘅系海鲜冬阴功汤，非常足料，不过唔记得影相。。。
第二日饮嘅系番茄忌廉汤，番茄酸酸嘅味道同滑滑嘅忌廉汤出奇地合拍！推荐大家试试~
跟住就睇睇主菜啦~
两日之内，我地试佐五个主菜，大厨嘅手势越来越好了，肉质火候掌握得好好，软滑多肉汁，个人非常满意，赞赞~~
逐一介绍下啦：
1. 宾尼士汁鸡扒配意粉
宾尼士汁系牛油同鸡蛋混合而成嘅，与其话系“汁”，不如话系“酱”，因为真系几solid。牛油味好重，厨师话系几鬼佬口味嘅汁，o岩唔o岩你口味就见仁见智了，呵呵~ 不过试下都几特别嘅~
2. 蒜香汁猪扒配意粉
一般来讲，猪扒系好容易煎得过老而变“hai”嘅，不过今次嘅火候就好好，又嫩口又多肉汁，可以话系我食过煎得最好嘅猪扒~
3.黑椒汁牛柳鲜元贝配南瓜蓉
牛柳厚切，所以可以保持外香内嫩~ 我地要嘅系五成熟，切开中心仲带小小血嘅，呵呵，唔知大家接唔接受到呢？
4.焗烤海鲜拼盘配南瓜蓉
^_^ 呢个系大厨专门为我准备嘅special，因为佢早上去采购嘅时候见到元贝同虾都好新鲜，又记得我话过中意食海鲜，所以就整佐呢个海鲜拼盘了~ 两样都系我中意食嘅海鲜，虽然唔系咩特别贵价嘅野，但系胜在够新鲜，加上用焗烤嘅方法做，既香口又浓缩佐海鲜本身嘅鲜甜味，正！！！
5.白汁海鲜焗意粉
最大嘅特色就系材料新鲜同埋真材实料啦，对比下其他餐厅嘅出品就知啦~
（我部宾仔影到呢个时候冇电，只能够用手机影来顶住档先，遗憾。。。）
小贴士~
如果大家打算去Waiting食晚饭，推荐早上预订order，甘样大厨可以根据你嘅要求，去市场采购最适合最新鲜嘅材料，量身订做嘅dinner，十足嘅私厨服务，带你最重视嘅人去，一定lum死~ o(∩_∩)o…哈哈~~
继续继续~ 跟住系饮品~ 呵呵，因为中意饮酒，我地order嘅大部分系cocktail
1.清新葡萄气泡
我地点嘅唯一一杯冇酒精嘅drink，葡萄酸甜+苏打水=清新好味~ 绝对适合女仔嘅一款~
2. Peach Blue
呢个系调酒师Ten总嘅推荐~ 蜜桃果香，微微嘅酒味，好易入口~
3．Fussy Dizzy 迷迷糊糊
呵呵，个名改得真系好，因为我宜家真系点都想唔起呢杯酒到底系咩味~ 果然系令人迷迷糊糊。。。
4. 朱古力死神
呢杯我超中意！朱古力雪糕+威士忌，口感好浓好滑~ 呢杯系Alex嘅杰作，佢拍心口话，呢杯野一定好饮到嗌救命嘅，总算佢冇推荐错~
5. 薄荷宾治
大家都试过啦~ 卖相好清凉~
6. Unnamed （我唔知叫咩名，下次问番Ten总先得！）
呢杯犀利喇，又要搭架又要点火先调得出来嘅酒，调嘅时候好精彩好搞笑，拍佐视频，有机会上传上blog同大家分享下。
讲下口感，一个字：啃！一入口就感觉酒味冲上鼻，有d似食wasabi嘅感觉。。。唔饮得嘅人唔好乱试。。。
Last but not the least，小食同甜品~
雪糕（又唔记得名了。。。摆盘几靓，Ten总手势唔错喔~）
日式八爪鱼小食拼盘
花絮~~
五一果日去Carrie姐嘅Muji电佐个发~ 几中意~ 仲可以时不时扮下短发添~ good！~
So，饮饱食醉之后，我地又开始搞怪影相喇，呵呵~
顺便预告下，打算下次影d相写篇野，隆重介绍下Waiting嘅型男（被逼嘅。。。哈哈）靓女（呢个系真嘅~）。佢地分别系：
大 厨：阿琦，自称“划时代嘅厨房佬”，哈哈~
调酒师：Ten总，另类tempo，另类幽默~
娱乐总监：Alex，多才多艺，超级搞笑，最中意刘华上身~
靓靓waitress：小雨，性格美女，唱功了得
Part-time老板娘：小Carry（注意，此Carry不同彼Carrie喔），贤妻典范~
预告住甘多先，有时间再写~
P.S. 今晚又去waiting试菜啦~ ^_^
|
