| 【嘉油站西餐廳】 |
| 作者：Zoe小甜 |
日期：2008-05-09 |
地点：广州 海珠 江南大道 |
|
琴日六點幾去到江南大道..
髮現週圍都人滿為患~~~
所以一心諗住嘗試下呢間嘉油站西餐!
呢間嘢一直都糟人非議.
有啲人覺得佢啲嘢食唔得.
有啲人覺得佢環境太差~~
有啲人覺得還可以接受......
抱住嘗新嘅心態就去咗試下!
哦.好lucky.等咗幾分鍾就有位...
一入去~第一感覺係好嘈!!!
環境眞係唔多好.昏暗嘅燈光~
但係卻畀人有茶餐廳嘅感覺.
位置之間比較窄.有啲壓迫感!
坐落嚟之後睇下menu~
哇!原來都好便下喔....
掛乜知咁鬼多人喇!!!
我點咗個牛扒套餐.22蚊~
佢點咗個美式雜扒套餐.30蚊...
雖然客人好多.但係上菜都幾快!
首先上咗個湯同烘麵包片..
嗰個粟米忌廉湯認眞嘛嘛~
冇文冇味之餘好似飲緊好'傑'嘅粉水咁..
兩啖入口之後畀我放棄咗佢...
麵包片還可以.烘得啱啱好~
脆脆哋.不過冇牛油味就好似好寡咁!
主食開始上喇....
我個牛扒配飯都算唔錯!!
牛扒兩大塊.分量夠曬.
而且煎得啱啱好.唔會有好韌嘅感覺!
佢嗰個雜扒就反而一般喇~
豬扒煎得過咗.比較韌...
而且放條腸仔同午餐肉落去.
感覺有啲唔抵....
蒜香鷄翼都ok嘅.幾香口!
最後再講下佢盃凍奶茶..
都幾好!夠香夠滑.不過我嫌奶味未夠~
可能我鐘意比較濃口味嘅嘢掛!!!
總結下先~52蚊食到抱住個肚岀去!
都算幾實惠噶喇........
雖然環境眞係一般~
但係食物嘅水平都對得住個價錢.
而且分量都唔算少.......
感覺與同類型餐廳比起~
佢都算做得好噶喇!!!
不過啲環境就眞係應該改善下喇...
|
 |
第1幅
烘麵包片 |
 |
第2幅
麵包片加粟米忌廉湯 |
 |
第3幅
美式雜扒 |
 |
第4幅
牛扒 |
 |
第5幅
凍奶茶 |
|
|
|
|
|
